Banner Image for Page

Arlington’s Car-Free Diet

እንኳን ወደ አርሊንግተን ካር ፍሪ ዳይት በሰላም መጡ! በቀላሉ እና ዘና ባለ መንገድ መኪናን የ አለመጠቀም ወይንም መኪናን በጥቂቱ የመጠቀም አኗኗር ዘይቤ ምን ያህል አስደናቂ እንደሆነ የሚያውቁበት፤ መኪናዎን እቤትዎ በመተው ሌሎች ማለትም አውቶቡስ ወይም ባቡር መጠቀም፤ ብስክሌት መንዳት፤ በእግር መጓዝ እንዲሁም መስሪያ ቤት ሳይሄዱ ከቤት ቁጭ ብሎ መስራትና የመሳሰሉትን አማራጮችን ሲወስዱ ምን ያህል ገንዘብዎን እንደሚቆጥቡ፤ ጤናዎን እንደሚያሻሽሉ፤ እንዲሁም አካባቢዎን ከብክለት እንደሚታደጉ የሚገነዘቡበት ፕሮግራም፤


ያለ መኪና አርሊንግተን ወደሚገኘው የኢትዮጵያ ኮሙዩኒቲ (ECDC) እንዴት መሄድ እንደሚቻል ቪዲዮ ይመልከቱ፤

የመጓጓዣ አማራጮች

አርሊንግተን ቨርጂኒያ በአሜሪካ ውስጥ ያለመኪና ለመንቀሳቀስ አመቺ ከሆኑ ምርጥ ቦታዎች አንዱ ነው። ምክንያቱም ሌሎች ብዙ የትራንስፖርት አማራጮች ስላሉ።

ሜትሮ ባቡር በአካባቢው የባቡር አገልግሎት መዋቅር /system/ ነው። በአርሊንግተን 11 የባቡር ጣቢያዎች ሲገኙ በብርቱካናማ ብራማ ሰማያዊ እና ቢጫ መስመሮች የተከፋፈሉ ናቸው። ለተጨማሪ መረጃ በእንግሊዘኛ

ሜትሮ ባስ በዲሲ አካባቢ የባስ አገልግሎት መዋቅር /system/ ሲሆን፤ በአርሊንግተን ዋና ዋና ጎዳናዎች ላይ ከ 25 በላይ በሆኑ መስመሮች የባስ አገልግሎት ይሰጣል። ለተጨማሪ መረጃ በእንግሊዘኛ

ART/ አርሊንግተን ትራንዚት/ የአርሊንግተን ሰፈር ውስጥ የባስ አገልግሎት መዋቅር /system/ ነው። አርሊንግተን ትራንዚት የአርሊንግተንን ከተሞች ያገናኛል፤ ተጠቃሚዎችን ወደ ባቡር ጣቢያ ያደርሳል። ይህ ባስ የሚጠቀመው አካባቢን የማይበክል የተፈጥሮ ጋዝ ነው። ለተጨማሪ መረጃ በእንግሊዘኛ

በአርሊንግተን የእግር ጉዞን የተመቸ ለማድረግ ከተዘረጉ መሰረተ ልማቶች መካከል ሰፋፊ የመንገድ ዳር መንገዶች፤ ረጅም ባለ ብስክሌቶችና እግረኞች በጋራ ሊጠቀሙአቸው የሚችሏቸው መንገዶች፤ ደቂቃን የሚያመላክቱ ማለትም እግረኞች መንገዱን ለማቋረጥ ያላቸውን ቀሪ ግዜ የሚያሳዩ የትራፊክ መብራቶች ዋና ዋናዎቹ ናቸው። ለተጨማሪ መረጃ በእንግሊዘኛ

ብስክሌት መንዳት ጤናማ እና ርካሽ የመጓጓዣ ዘዴ ከመሆኑም በላይ የአካባቢ ጥበቃ ሃላፊነትዎን በሚገባ የሚወጡበት ነው። በአርሊንግተን ካውንቲ ደግሞ ይህን ማድረግ ቀላል ነው። ስለ ብስክሌት መንዳት የበለጠ መረጃ በ BikeArlington.com ላይ ይመልከቱ።

የጋራ ብስክሌቶችን መጠቀም ሌላው የህዝብ መጓጓዣ ዘዴ ነው። በአርሊንግተን ካፒታል ባይክ ሼር (Capital Bike Share) የጋራ ብስክሌት አገልግሎት ሲሆን ይህ ፕሮግራም በአርሊንግተን፤ በዲስትሪክት ኦፍ ኮሎምቢያ፤ በአሌክሳንድሪያ እና ሞንትጐመሪ ካውንቲዎች ጥምር የሚመራ ነው። ለበለጠ መረጃ በእንግሊዘኛ

የጋራ ወይም የኪራይ መኪና በሚያስፈልግዎ ግዜ የሚጠቀሙበትን መኪና በቀላሉ የሚያገኙበት ነው። ይህ ደግሞ የራስዎ የሆነ መኪና ቢኖርዎ የሚያወጡትን ወጪ ማለትም የመኪና መግዣ፤ ኢንሹራንስ፤ ጥገና ያስቀርልዎታል። በአርሊንግተን ለሚገኙ ተጠቃሚዎች የመኪና ክራይ አገልግሎት የሚሰጡ ተቋሞች Zipcar, Enterprise carshare እና Car2go ናቸው። ለበለጠ መረጃ በእንግሊዘኛ፤

ታክሲ እና ሌሎች ተመሳሳይ አገልግሎት የሚሰጡ የትራንስፖርት ኩባንያዎች (Transportation Network Companies) ለተጠቃሚዎች በተለይም ብስክሌት የእግር መንገድ እንዲሁም መኪናን በጋራ (በየተራ) የመንዳት አማራጮችን ለሚጠቀሙ አጋዥ በመሆን የሚያገለግሉ ናቸው። ለበለጠ መረጃ በእንግሊዘኛ

የአማርኛ ጽሁፎችን ይመልከቱ

PDF, 942 KB, Adobe Reader Required

Arlington’s Car-Free Diet Map (PDF)

በአርሊንግተን የሚገኙ የአውቶቡስ መስመሮችን፤ የብስክሌትና የእግረኛ መሄጃ መንገዶችን፤ የባቡርና የህዝብ(የኪራይ) ብስክሌት ጣቢያዎችን እና ሌሎችን በተቀነባበረ መልኩ የሚያገኙበትን ካርታ ለመመልከት ከታች ያለውን ምስል ወይም ሊንክ ይጫኑ።

PDF, 1.8 MB, Adobe Reader required.

መንገዶቻችንን በጋራ እንድንጠቀም ፓል(PAL) በመሆን ይተባበሩ

የፓል(PAL) ዘመቻ እያንዳንዱ ሰው በቀላሉ እና በደህና መንገዶችን በጋራ ለመጠቀም እንዴት እንደሚችል የሚያሳውቅ ነው። PAL ሲዘረዘር P-Predictable (አስቀድሞ ወዴትና እንዴት እንደሚሄዱ ማወቅ) A-Alert (ንቁ ወይም ጠንቃቃ) L-Lawful (ህግ አክባሪ) መሆን ነው። ሰዎች PAL ስለመሆን አስፈላጊነት ካወቁ እና መንገድን በጋራ የመጠቀም አስፈላጊነትን ከተገነዘቡ ሁላችንም የመልካምና አስደሳች ጉዞ (የቱንም ያህል ቅርብ ወይም እሩቅ ተጓዥ ብንሆን) ተጠቃሚዎች እንሆናለን። ለተጨማሪ መረጃ በእንግሊዘኛ

መገኛችን፤

አጠቃላይ ኮምዩቲንግ(ጉዞ) የሚመለከቱ ጥያቄዎች፤

ጉዞን በተመለከተ ማንኛውም ጥያቄ ካለዎትና መልሱን ማግኘት ከተቸገሩ የኮሙዩተር ስቶር ሰራተኞችን በስልክ ቁጥር 703-228-RIDE (703-228-7433, TDD: 711) ደውለው መጠየቅ ይችላሉ። አልያም ጥያቄዎን በጽሁፍ ወደ Questions@commuterDirect.com መላክ እና መልስ ማግኘት ይችላሉ። በተጨማሪም አርሊንግተን ውስጥ ከሚገኙት ከአራቱ ሱቆቻችን ወደ አንዱ ጎራ በማለት ወይም ስልክ በመደወል መስተናገድ ይችላሉ።

አርሊንግተን ትራንዚትን የሚመለከቱ ጥያቄዎች

የአርሊንግተን ትራንዚት የደንበኞች አገልግሎትን በስልክ ቁጥር 703-228-RIDE ወይም 703-228-7433 ደውለው በመጠየቅ ይስተናገዱ።

ለአርሊንግተን ትራንዚት (ART) መስራት ይፈልጋሉ? እንግዲያውስ ለበለጠ መረጃ (በእንግሊዘኛ) እዚህ ይጫኑ።

ሜትሮን የሚመለከቱ ጥያቄዎች

ሜትሮ ባቡር፤ ሜትሮ አክሰስ እና ሜትሮ ባስ ከአርሊንግተን ውጪ የሚሰጡትን አገልግሎት በተመለከተ ጥያቄ፤ አስተያየት ወይም ቅሬታ ካለዎ WMATA (Washington Metropolitan Area Transit Authority) ይጠይቁ።

ብስክሌት መንዳትን በተመለከተ ጥያቄዎች

ብስክሌት መንዳትን በተመለከተ አስተያየት፤ ጥቆማ ወይም ቅሬታ ካለዎ በኢሜል አድራሻ info@bikearlington.com ይላኩልን ወይም የ bikearlington.com ድህረ ገፅን ይጎብኙ።

የጋራ (የኪራይ) ብስክሌቶችን የሚመለከቱ ጥያቄዎች

ወደ የደንበኞች አገልግሎት በስልክ ቁጥር 1-877-430-BIKE (2453) በመደወል በእንግሊዘኛ፤ በስፓኒሽ፤ እና ፈረንሳይኛ ቋንቋ ሳምንቱን ሙሉ 24 ሰአት መስተናገድ ይችላሉ። አልያም ጥያቄዎን በኢሜል አድራሻችን customerservice@capitalbikeshare.com በመላክ መልስ ያግኙ።

TDD - አስተማማኝ የስልክ የደንበኞች አገልግሎት የሚያገኙበት ነው፤ መስማት የተሳናቸው እና በደንብ የመስማት ችግር ያለባቸው ሰዎች ከ Virginia, Maryland እና Washington D.C 711 ላይ በመደወል መስተናገድ ይችላሉ።

Arlington Car-Free Diet በአርሊንግተን ካውንቲ ኮምዩተር አገልግሎት (ACCS)፤ በአርሊንግተን ቢሮ እና በቨርጂንያ የአካባቢ ሳይንስ ክፍል ተዘጋጅቶ የቀረበ ነው።

Car-Free Diet Counter

Upcoming Events
Four Mile Run Restoration Project Ribbon Cutting

Saturday, September 23, 2017

Clarendon Day

Saturday, September 23, 2017

WABA Adult Learn to Ride a Bike Class

Saturday, September 23, 2017

Rosslyn Transportation Open House

Monday, September 25, 2017

ART Maintenance Facility Ribbon Cutting

Tuesday, September 26, 2017

Events Calendar

Recent Social Media Posts

More Posts

News Headlines
Metrorail weekend service adjustments, Sept. 23-24

September 18, 2017, WMATA

Purple Line construction resumes

Kaanita Iyer, September 22, 2017, Diamondback

Reviews of D.C.'s dockless bike-share systems

Andrew Heining, September 22, 2017, Washington Post

Toll lanes across Md. won't fix traffic

Canaan Merchant, September 22, 2017, GGW

More News & Events